Oiartzon martxan hasi gara 2019-2020 ikasturtea prestatzeko.
Uda atseden hartzeko eta zenbait berrikuntza egiteko aprobetxatu ondoren, lanean gara berriz ikasturte berriari indarrez ekiteko.
Lehen eguna, aurkezpen eguna alegia, irailaren 6 ostirala izango da 11:00-12:30 bitartean. Ikastolako autobusa erabiliko dutenek, igotzeko autobusak ohiko ibilbidean izango dituzte 10:30ean hasita. Jaisteko berriz, 12:30ean izango dira aurkezpena bukatutakoan.
Ohiko klaseak irailaren 9 astelehena hasiko dira 7:45ean. Astelehenean hasiko da garraioa ere bere ohiko ordutegian. Autobusen ordutegi eta ibilbide zehatzak GARRAIOA orrian dituzue eskura.
Ikastolako eskola-egutegia esekita dago Egutegia atalean. Orri honetara jo klase egunak, ebaluazioak, jaiak edo berreskurapenak noiz diren jakiteko.
